پاڪائي بيان ڪر پنهنجي رب جي نالي جي .

(اي محمد) تون پنهنجي سڀني کان مٿاهين پاليندڙ جي نالي جي پاڪائي بيان ڪر

(اي نبيﷺ!) پنھنجي بلند مرتبي واري پالڻھار جي تسبيح بيان ڪندو رهه.

جنهن پيدا ڪيو پوءِ درست بنايو .

جنهن سڀڪنهن کي پيدا ڪيو

جنھن (انسان کي) پيدا ڪيو ۽ (کيس) ڊولائتو (يعني سھڻو) بنائي ٺيڪ ڪيو.

۽ جنهن اندازو ڪيو پوءِ برابر بنايو .

پوءِ صحيح سالم بنايو ۽ جنهن (شين جو) انداز و ڪيو پوءِ رستو ڏيکاري ڇڏيو

جنھن تقدير مقرر ڪئي ۽ سڌو رستو ڏيکاريو.

۽ جنهن ڪڍيو گاهه .

۽ جنهن تازو گاهه ڄمايو

جنھن (زمين مان) گاهه ٻوٽا اُپايا.

پوءِ ڪيائين ان کي ڪارو، سڪل .

پوءِ ان کي ڪارو سڪل سڙيل ڪيائين

پوءِ ان کي سُڪل سڙيل ڪري ڇڏيو.

جلد پڙهائينداسون توکي پوءِ نه وساريندين .

(اي پيغمبر!) سگهوئي توکي پڙهائينداسون پوءِ تون ڪين ڀلندين

اسان توکي (قرآن اهڙي طريقي سان) پڙهائينداسين جو تون نه وساريندين.

مگر جيڪو گهريو الله بيشڪ اهو ڄاڻي ٿو ظاهر کي ۽ جيڪو لڪل ٿو رهي .

مگر جنهن جي ڀلائڻ جو الله ارادو ڪندو. هن ڪري ته اهو ظاهر ۽ ڳجهه کي ڄاڻي ٿو

سواءِ ان جي جڏهن الله تعالى (ڀُلائڻ) چاهي. بيشڪ هو ظاهر ۽ لڪيل شين کي خوب ڄاڻي ٿو.

۽ آسان ڪنداسون تو لاءِ (شريعت) کي .

۽توکي تمام آسان شريعت لاءِ آساني پيدا ڪري ڏينداسون

اسان توکي آسان رستي جي توفيق ڏيون ٿا.

پوءِ نصيحت ڪر جيڪڏهن نفعو ڏئي نصيحت .

پوءِ تون نصيحت ڪر جيڪڏهن نصيحت ڪرڻ فائدو ڏي

جيڪڏهن ڪنھن کي نصيحت فائدو ڏئي ته تون (ان کي) نصيحت ڪندو رهه.

جلد نصيحت وٺندو جيڪو ڊڄي ٿو .

جيڪو الله کان ڊڄي ٿو سو سگهوئي ڌيان ڪندو

اهوئي شخص نصيحت قبول ڪندو جيڪو (پنھنجي پالڻھار کان) ڊڄندو.

۽ پري ٿيندو ان کان وڏو بدبخت .

۽ وڏو نڀاڳو ان کان پري ٿيندو، جو تمام وڏي باهه ۾ گهڙندو

بدنصيب ماڻهو ان (نصيحت) کان پري ڀڄندو.

اهو جو داخل ٿيندو وڏي باهه ۾ .

وري نه ان ۾ مرندو ۽ نه (آرام سان) جيئندو

جيڪو وڏي باهه ۾ داخل ٿيندو.

ان کان پوءِ نه مرندو ان ۾ ۽ نه زندهه رهندو .

بيشڪ اهو مراد کي پهتو جيڪو پاڪ ٿيو

هو ان ۾ نه مرڻ واري حالت ۾ هوندو ۽ نه ئي جيئڻ واري حالت ۾.

تحقيق ڪامياب ٿيو اهو جو صاف ٿيو .

۽ پنهنجي پاليندڙ جو نالو ياد ڪيائين پوءِ نماز پڙهيائين

بيشڪ اهوئي ماڻهو ڪامياب ٿي ويو جنھن پاڻ کي سڌاريو.

۽ ياد ڪيائين پنهنجي رب جو نالو پوءِ نماز پڙهيائين .

پر اوهين تمام ويجهي حياتيءَ کي پسند ڪريو ٿا

پنھنجي پالڻھار جي نالي جو ذڪر ڪيائين (۽)نماز پڙهيائين.

بلڪ اختيار ڪيو ٿا اوهان حياتي دنيا واري .

هوڏانهن آخرت گهڻو چڱي

درحقيقت توهان ماڻهو دنيا جي زندگيءَ کي ترجيح ڏيو ٿا.

۽ آخرت ڀلي ۽ وڌيڪ بقا واري آهي .

۽ گهڻو بقا واري آهي

حالانڪه آخرت بھتر ۽ هميشه رهڻ واري آهي.

بيشڪ هي البته پهريَن صحيفن ۾ به آهي .

بيشڪ هيءَ بيان ته پهرين ڪتابن ۾

بيشڪ اها ڳالهه پھرين صحيفن ۾ به (بيان ڪيل) آهي.

ابراهيم ۽ موسى جي صحيفن ۾ .

ابراهيم ۽ موسيٰ جي ڪتابن ۾ به آهي.

ابراهيم ($) ۽ موسى ($) جي صحيفن ۾.